Friday, June 30, 2006

No you don't need someone to love you.
You need someone you love to love you.

Have you found what you need?

男仕們諗諗佢...10句女人最憎的說話...

1‧你咪咁小器啦!
女人點解憎:小器是女人擁有但又不想認擁有的特質,你明寸佢?等開拖吧!
男人說這句話時通常笑笑口,點解?因為知女人唔岩聽?明知不應說但堅持說出來,就是撩交嗌?
男人說這話前通常已說完「嬲完未呀?」、「唔好嬲啦?」之類的話,但游說不果;唔識氹人就賴人小器,屙屎唔出賴地硬!即係話我唔應該嬲者?女人發嬲一定有佢道理,男人駁嘴即係話我螿不講理,作死!

2‧對唔住囉!(同類說話:我唔岩囉、我衰囉、我錯囉!)
女人點解憎:「囉」什麼?晦氣到死!最討厭是加個「咁」字在前頭,「咁對唔住囉?」,一個「咁」字包含了「我唔覺得自己錯但買你怕囉」這十二個字的意思,明激我啦!
男人說時通常皺眉頭、眼神厭倦,擺明在說「你又來了」,乜我好難頂咩?

3‧鍾意嗎?我送比你丫!
女人點解憎:因為得個講字,男人總以為講左就等於買左,毋需真的買!
見我雙眼發晒光仲問,你盲架?要我用把口去講我鍾意,即係要我認貪心!

4‧使唔使幫你?(同類說話:使唔使車你、使唔使幫你拎? )
女人點解憎:廢話!問來幹麼?答得你我都做完!

5‧搵日同你去?
女人點解憎:搵日,通常不會兌現又信口開河了!
你估我係你D客,「搵日出黎飲茶」咩?

6‧得架啦!得架啦!(同類說話:掂架啦!掂架啦!)
女人點解憎:認屎認屁叻,結果錯漏百出無樣得!
你覺得佢係怕你煩,想塞住你把口,所以吹到天咁大,但其實得鬼!

7‧明啦明啦!(同類說話:係啦係啦、得啦得啦!)
女人點解憎:明個屁,想我收聲至真!
真係明?咁我岩岩講到邊度先?

8‧是但啦!
女人點解憎:無要求,無原則,無性格!
你又嫌我煩了!你寧願SUFFER任人擺布,我諗我真係好討你厭,嗚?

9‧想唔想造(愛)?
女人點解憎:摸緊先問,遲左D喎!
別懶尊重我吧!乜你睇唔出咩?
點答你呀?唔好難為我啦!

10‧你開唔開心?(類似說話:你HIGH唔HIGH?、我得唔得?勁唔勁?)
女人點解憎:焗住要答開心?迫人講大話!乜你睇唔出咩?



Laugh die me.... hahahahahaa...

No comments: