Wednesday, July 27, 2005

剋星...?

今日同左阿東去食lunch.嗯...其實都好耐無同過佢傾下計﹐所以感覺都不俗!我地食左韓國野(應下香港既潮流嘛 哈哈)講下唔同既topic: 感情事﹐學業﹐家庭等等...

老實說我真係幾慶幸我有佢as my friend.到到呢個年紀﹐要有一個幾明你心意又同你渡過下D難關既朋友實在唔容易。最好呢﹐就係有時我同佢思維上有某程度上既一致﹐有時唔使講得好明﹐但係都明大家諗乜!

食晏既時候﹐無啦啦提起葉生。嗯...都無野既﹐其實我依家諗可能佢未必係我想要個類型。同埋...唉﹐明知人地心有所屬﹐知趣既就無畏再對人地有D咩癡心妄想吧...

不過跟住就聽到話佢入唔到cathay pacific's cadet pilot programme, 報KPMG人地又唔請佢...心裡面有D覺得戥佢唔抵﹐但係又有一刻好衰0甘諗'抵佢死!'

唉...都唔知點解自己會0甘諗...係咪我仲係介懷??0甘我又唔多覺worr, 畢竟自己身邊都有個人好錫自己....唉~是但啦...

跟住阿東就話'唉~無所謂啦﹐屋企又唔係等住佢開飯!阿爸阿媽仲做緊野﹐家姐做醫生...佢都讀左0甘耐咯﹐咪當放下假囉!'

嗯...我都係0甘話。咪多D機會俾人地拍下拖囉﹐哈哈~

不過有一點唔明...點解好似個女主角個名'唔可以講得0甘明'???
做咩呀?難道...

No comments: